The Girl From the Other Side (2022)
synopsis
:
ထိလိုက်တာနဲ့ ကူးစက်တတ်ပြီး လူတွေကို "Outsiders" လိုခေါ်တဲ့ အမည်းရောင် ဦးခေါင်းခွံရုပ် သတ္တဝါဆိုးတွေအဖြစ် ပြောင်းလဲပစ်တဲ့ ကျိန်စာဆိုးကြီး ပျံ့နှံနေတဲ့ ရှေးခေတ်ပုံစံ ကမ္ဘာကြီးတစ်ခု...။ လူတွေနေထိုင်တဲ့ "Inside" (အတွင်းစည်း) ကလည်း တစ်နှစ်ထက်တစ်နှစ် ကျဉ်းမြောင်းလာနေတယ်။ Outsiders တွေနဲ့ ထိတွေ့ခဲ့တယ်လို သံသယရှိတာနဲ့ ဘုရင့်စစ်သည်တွေက သနားညှာတာမှုမရှိဘဲ သုတ်သင်ရှင်းလင်းပစ်ကြပြီး အလောင်းတွေကိုတော့ "Outside" (ပြင်ပစည်း) မှာပဲ စွန့်ပစ်ထားခဲ့ကြတယ်။ Shiva ဆိုတဲ့ ခြောက်နှစ်သမီးလေးကတော့ သူ "အန်တီ" လိုခေါ်တဲ့ အဘွားအိုတစ်ယောက်ကြောင့် အပြင်ဘက် တောအုပ်ထဲမှာ စွန့်ပစ်ခံလိုက်ရတယ်။ အဲဒီမှာ သူက Outsider တစ်ကောင်နဲ့ တွေ့ပြီး "ဆရာ" လို စခေါ်လိုက်ပါတော့တယ်။ ဆရာကတော့ စွန့်ပစ်ခံရွာနားက အိမ်ပျက်တစ်ခုမှာ နေလာတာ နှစ်အတော်ကြာပြီ။ သူက မစားမသောက် မအိပ်မနေပေမယ့် တခြား Outsiders တွေထက်စာရင် ပိုပြီး လူဆန်တယ်။ အဲဒီလိုနဲ့ သူတိုနှစ်ယောက် သားအဖလို မိသားစုလေးအဖြစ် စပြီး နေထိုင်လာကြတယ်။ ဒါပေမဲ့ ဆရာက သူ့အတိတ်ကို ပြန်မမှတ်မိသလို၊ သူ့အန်တီ ပြန်လာခေါ်မယ့်အကြောင်း နေ့တိုင်း ပျော်ပျော်ရွှင်ရွှင် ပြောနေတတ်တဲ့ Shiva ကိုလည်း သူ အစွန့်ပစ်ခံလိုက်ရပြီဆိုတဲ့ အမှန်တရားကို ဖွင့်ပြောဖို ဝန်လေးနေခဲ့တယ်။ ပြီးတော့ Shiva ဆီ ကျိန်စာကူးသွားမှာ စိုးရိမ်တဲ့အတွက် ဆရာက သူ့ကို လုံးဝ အထိမခံဘူး။ တောထဲမှာ ပုန်းအောင်းနေတဲ့ တခြား Outsiders တွေကလည်း Shiva ကို စိတ်ဝင်စားနေကြပြီး သူ့ကို "ဝိညာဉ်တစ်ခု" လို သတ်မှတ်ကာ ရေကန်အောက်ခြေက သူတို "မယ်တော်" ဆီ ခေါ်သွားချင်နေကြတယ်။ သူတိုတွေက ဆရာနဲ့ လုံးဝမတူဘဲ ကွဲပြားနေတာကြောင့် ဆရာသိထားတဲ့ ဒီကမ္ဘာကြီးအကြောင်းကို ပြန်ပြီး သံသယဝင်လာစေတယ်။ တစ်ချိန်တည်းမှာပဲ အတွင်းစည်းက စစ်သားတွေကလည်း အကြောင်းရင်းတစ်ခုခုကြောင့် Shiva ကို လိုက်ရှာနေကြပြန်ရော...။